Ի՞նչ է իրենից ներկայացնում «Հեռավար ուսուցում»-ը .Ծնողի կարծիքը։
Հեռավար ուսուցումը դա համակարգված ուսուցման ձև է, որը հնարավորություն է տալիս ցանկացած սովորողի՝ «Մխիթար Սեբաստացի» կրթահամալիրի, մասնակցել կրթական ծրագրերին անկախ բնակության վայրից, հեռավորությունից ի շնորհիվ տեղեկատվական տեխնոլոգիաների։ Հեռավար ուսուցումը հազվադեպ են իրականացնում կրթահամալիրում, ինչը տալիս է ավելի շատը դրական, քան բացասական արդյունք։Մեր հեռավար ուսուցման նախագիծը իրականացվել է հենց ընտանեկան միջավայրում, քանի որ երեխան ինչ մանկության տարիներին ձեռք է բերում ընտանիքում, պահպանվում է հետագա տարիների գիտակցական ողջ կյանքի ընթացքում։ Ծնողը պետք է հստակ տեսնի ու գիտակցի իր երեխայի առանձնահատկությունները, այն կարողությունները ու հմտությունները, որ նա ունի։ Հետևաբար, շատ լավ առիթ է մարտի 2-6-ը ընկած ժամանակահատվածում, իրականացնել հետաքրքի առողջական, մարզական, տեխնոլոգիական, բնապահպանական գործունեություն հենց ընտանեկան միջավայրում երեխաների հետ։
Մեջբերում՝
Ծնողների կարծիքը «Հեռավար ուսուցումը ընտանիքում» նախագիծի մասին՝
• «Հեռավար ուսուցումը, որը նախատեսված է կարճ ժամանակահատվածի համար, ունի դրական ազդեցություն։ Այն սերտաճում է կապը ծնողի և երեխայի միջև, երեխան ձգտում է ցույց տալ իր սովորածները և կարողությունները։ Նաև այս մեթոդը նպաստում է ծնող-դաստիարակ հարաբերություններին»։ Սան Տարոնի մայրիկ՝ Ալիսա Հայրապետյան։
• «Հեռավար ուսուցումը իր դրական ազդեցությունն ունեցավ իմ բալիկի կյանքում… Նա մեծ ոգևորվածությամբ ու պատասխանատվությամբ էր կատարում բոլոր առաջադրանքները։ Այս ուսուցման շնորհիվ երեխայի և ընտանիքի անդամների հետ կապը ավելի ամրապնդվեց, քանի որ միասին էինք կատարում աշխատանքը»։ Սան Ղուկասի մայրիկ՝ Սաթենիկ Մակարյան։
•«Հեռավար ուսուցում. Ես Լաուրան եմ, երկու Սեբաստացիների՝ Հայկ և Լիա Մարտիրոսյանների մայրը։ Ես ուզում եմ մի փոքր ներկայացնել հեռավար ուսուցման դրական և բացասական կողմերի մասին։ Ի՞նչ է հեռավար ուսուցումը։ ժամանակակից հեռավար ուսուցման պատմության ընթացքը սկսվեց, երբ ի հայտ եկավ ինտերնետ գլոբալ ցանցը, որի միջոցով կարողանում ենք ինֆորմացիան ուղարկել մի կետից մյուս կետը։ Այդ պահից սկսված օգտագործվում է «Հեռավար ուսուցում» տերմինը։ Լայն տարածում գտած հեռավար ուսուցումտ նաև առաջ քաշեց ու զարգացրեց «Հեռավար կրթությունը»։ Հեռավար կրթության դրական կողմերից է՝ գիտելիքի բացի լրացում, հմտությունների մատուցում աշակերտներին դպրոցական դասընթացի ներսում։ Դպրոցական ծրագիր այն աշակերտների համար ովքեր հնարավորություն չունեն հաճախել դպրոց ընդհանրապես կամ որոշ ժամանակ։ Թերություններից ես կարող եմ նշել միայն մեկը՝ դա մեծ կախվածությունն է ինֆորմացյոն տեխնոլոգիաներից։ Տեխնիկական խզումը կարող է հանգեցնել ամբողջ ուսուցման ավարտին»։
Ի՞նչ է հիգիենան․
Այսպիսով, մեր «Հեռավար ուսուցումը ընտանիքում» նախագիծը նախատեսված էր մեկ շաբաթով և այն տվեց իր դրական արդյունքը։ Առաջին օրը պետք է խոսվեր հիգիենայի կանոների մասին։ Հիգիենան տարատեսակ բաժիններ ունի՝ երեխաների հիգիենա, սննդի հիգիենա, անձնական հիգիենա և այլն։ Հիգիենան մեծ նշանակություն ունի օրգանիզմը հիվանդություններից զերծ պահելու համար։Մեր սաները առաջին օրը պատմեցին, թե ինչպե՞ս պետք է ճիշտ հետևել հիգիենայի կանոններին և շարունակաբար պահպանել այն։
Հիգիենան մեր առօրյայում
Մարզանք ընտանիքի անդամների հետ․
Երկրորդ օրը սաները ընտանիքի անդամների հետ միասին մարզականով են սկսում իրենց առավոտը։ Մարզվելու շնորհիվ մեծանում է նրանց օրգանիզմի դիմադրողականությունը, կարգավորվում է շնչառական համակարգը, սիրտը ավելի կանոնավոր է սկսում աշխատել և այլն։ Այսինքն այն հնարավորություն է տալիս ընդլայնել օրգանների գործունեության հնարավորությունները։
Մարզական առավոտ տանը
Հեռավար ուսուցման երրորդ օրվա թեման շրջակա միջավայրի խնամքն էր։ Շրջակա միջավայրը հասկացությունը պարունակում է այն ամենը, ինչը շրջապատում է մարդուն ու այն թե´դրական, թե´բացասական ազդեցություն է թողնում մարդու գործունեության ու կյանքի վրա։ Ուստի սաները մեծ ոգևորվածությամբ ջրում, մաքրում են բույսերի տերևները, բակում տնկում տնկիներ
Խնամում ենք մեր միջավայրը
Նախագծի չորրորդ օրը սաները մեր ազգային երգերը, հեքիաթները ու բանաստեղծություններն են ասում ընտանիքի անդամներին։ Այդպիսով պահպանելով ու ամրապնդելով մեր ազգայինը։
Ծրագրային երգ, ոտանավորների բլբլոցներ ընտանիքում
Եվ շաբաթվա վերջում՝ հեռավար ուսուցման հինգերորդ օրը, իհարկե, սաները չմոռացան մեր հայկական ավանդական խոհանոցը ներկայացնել։ Նրանք պատրաստեցին համով-հոտով թխվածքաբլիթներ (այն, հունցած խմորիծ թխված, քաղցր, համեղ, երկարաժամկետ պահպանման համար նախատեսված, ոչ մեծ հրուշակեղեն), աղցան և այլն։
Հեռավար ուսուցման հինգերորդ օր
Խմբում կա 28 սան, հեռավար ուսուցմանը մասնակցեցին 8֊ը։
Մարիա Մկրտչյանի բլոգ 